Vêrgudane vrange på "Fruens Vrede"

Etter tre dagar med strålande vêr var det slutt. Vêrgudane slo seg vrange, og regn og skodde seig innover Fanøy.

Oljedressar påkravd

Mannskapet på "Fruens Vrede" har søkt ly på lugarane og i byssa etter å ha snakka med kystforfattaren og ungane på Villmarkscamp i dag.

Store mengder nedbør har gjort at oljedressane må på i alle utandørsaktivitetar. Etter fire netter med rundt fem timars søvn følte også mannskapet at ein middagslur var velfortent.

Utpå ettermiddagen la "Fruens Vrede" kursen mot Hovden lengre nord i Flora. Kva som skjer der høyrer du i Kveldsåpent torsdag og morgonsendinga på NRK Sogn og Fjordane fredag!